Бугун олий лига 22-турида навбатдаги учрашувлар бўлиб ўтди. Ғузорга сафар қилган “Андижон” жамоаси Мухтор Қурбонов бошчилигидаги “Шўртан” меҳмони бўлди.
Учрашувнинг биринчи бўлими деярли тенг курашлар остида ўтди дейиш мумкин. Тўпни кўпроқ мезбонлар назорат қилишган бўлсада, меҳмонлар ҳам ҳимояга “ётиб” олишгани йўқ. Иккала жамоа ҳам ҳимояда ишончли ўйнашди. Шу боис биринчи таймда дарвозалар дахлсиз қолди.
Иккинчи бўлимни жамоалар тезкорроқ бошлашди. Иккала жамоа ҳам ҳужумга эътибор қаратгани боис ўйин темпи танаффусдан кейин юқори бўлди. Албатта, ҳужумлар уюштиришда мезбонлар фаоллик кўрсатишди. Мезбонлар ҳужумчилари Зафар Полвонов билан Игорь Таран “Андижон” дарвозасига бир неча бор хавф туғдиришди. Аммо андижонликлар ҳимояда ишончли ўйнаб сафарда бир очко олишди.
«Шўртан» – «Андижон» - 0:0
Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), А. Эргашев (Тошкент)
Назоратчи: И. Шарипов (Бухоро).
"Шўртан": 1.Элдор Тожибоев, 9.Игорь Таран, 11.Зафар Полвонов, 14.Умар Эшмуродов, 18.Элдор Бойматов, 19.Суҳроб Бердиев, 20.Дарко Станоевич, 22.Лазиз Убайдуллаев, 34.Суннатилла Мамадалиев, 35.Сарвар Жўраев (17. Мирзакамол Камолов, 63), 55.Ботир Қораев. 
"Андижон": 12.Геннадий Мошняга, 2.Турсунбой Ҳусанов, 3.Давронбек Турсунов, 5.Иқбол Бобохонов, 6.Иброҳим Отахонов, 7.Асқар Жадигеров (23. Санжар Асқаралиев, 83), 8.Шукур Жумабоев (11. Абдумалик Абдуллаев, 46), 13.Анвар Бердиев, 18.Рустам Аъзамов (14. Абдулатиф Абдуқодиров, 65), 21.Жавлон Гусейнов, 30.Абдуллоҳ Олимов.