Бугун Сербия Суперлигасида 10-тур учрашувлари давом эттирилди.

Ҳамюртимиз Ҳусниддин Ғофуров тўп сураётган “Явор Матис” жамоаси бу сафар ўз уйида “Чукарички” клубини қабул қилди. Муросасиз курашларга бой тарзда ўтган матч дуранг билан тугади. Тўп киритиш ҳеч бир жамоага насиб этмади.

Явор Матис – Чукарички 0-0

Явор ўйингоҳи –2000 томошабин

Ҳакам: Срдан Обрадович

Огоҳлантиришлар: Дочич, Ҳусниддин Ғофуров, Цезарич - Болевич, Аддий, Мандич.

Явор: Догатович, Гажич, Милетич, Црномаркович, Милович, Жокич, Ажуру(90 Швоня), Дочич, Ҳусниддин Ғофуров (76 Цезарич), Элиомар Силва (87 Йозович), Дражич

Чукарички: Стеванович, Стойкович, Болжевич, Остожич, Аддий(66 Ранджелович), Срнич, Жанкович, Мандич(70 Матич), Павлович, Божич, Тиаго(85 Йованович)

Учрашувни ҳамюртимиз кутилганидек, бошланғич таркибда бошлади. Ўйинни анча фаол тарзда ўтказган Ҳусниддин 42-дақиқада сариқ карточка олишга ҳам улгурди. 76-дақиқада эса ҳамюртимиз захирага олинди. Унинг ўрнига майдонга Боян Цезарич туширилди.

10-турдан сўнг “Явор” ҳамон мусобақа жадвали иккинчи поғонасида бормоқда. Жамоа ҳисобида 20 очко мавжуд. Иваницаликлар навбатдаги ўйинни 11-тур доирасида 27 сентябр куни “Радник”ка қарши меҳмонда ўтказишади.