Бугун Ўзбекистон ўсмирлар терма жамоаси Осиё чемпионати саралаш боқичидаги сўнгги ўйинида Яманга қарши майдонга тушади.
Осиё чемпионати саралаши "А" гуруҳи, 3-тури доирасидаги Ўзбекистон - Яман учрашуви Тошкент вақти билан 19:00да бошланади. Ўзбекистон ўсмирлар терма жамоаси "Яман"га қарши ўйинда кўк рангли кийимда майдонга тушади. Ўтказилган икки тур натижасига кўра Ўзбекистон "А" гуруҳида пешқадам. Жамоа ҳисобида 6 очко. Тўплар нисбати +14.
Темур Олимхўжаев шогирдларининг бугунги рақиби - Яман ҳам икки ўйинда 6 очко тўплаган. Голлари нисбати +8. Эслатиб ўтиш керакки, гуруҳда 1-ўринни эгаллаган жамоа ОЧга йўлланмани қўлга киритади. Шунингдек, 11 гуруҳдан 4та энг яхши иккинчи ўринлар. Ҳиндистон эса мусобақа мезбони сифатида тўғридан-тўғри йўлланмага эга. Шу тариқа Осиё Чемпионатининг 16 иштирокчиси аниқланади. Ўзбекистон ўсмирлар терма жамоасининг Яманга қарши учрашуви "Файсал ал-Ҳусайн" стадионида ўтказилади, дейилади ЎФФ расмий твиттери хабарида.
