Криштиану Роналду фаолияти давомида 499 та гол киритган. Яқин орада у 500 лик довонини ҳам ошиб ўтиши кутилмоқда. Хўш Криштианунинг шунча гол уришида қайси жамоадошларининг ҳиссалари кўпроқ? Furkat.uz сайти Роналдуга энг кўп голли узатма берган футболчилар ҳақида тўхталиб ўтади.



7. Уэйн Руни – 10 та голли узатма
Криштиану 2003-2009 йиллар давомида “Манчестер Юнайтед” клуби таркибида 118 та голга муаллифлик қилганидан хабарингиз бор. Ана шу голларнинг 10 таси Уэйн Рунининг аниқ пасидан сўнг ҳосил бўлган. Роналду ва Руни ўша пайтларда 20-24 ёшда бўлганликларини инобатга олсак, бу ажойиб кўрсаткичдир.



6. Гонсало Игуаин – 15 голли узатма
Игуаин ва Роналду Мадридда 2009-2013 йиллар давомида биргаликда ҳаракат қилишди. Кўпчилик Гонсалони қизғанчиқ ҳужумчи деб билади. Бироқ юқоридаги натижа бунинг аксини кўрсатиб турибди. Аргентиналик ҳужумчи Роналдуга 15 та голли узатмани амалга оширган.



5. Раян Гиггз – 16 голли узатма
Роналдуни “Манчестер Юнайтед”даги энг яхши тушунадиган футболчи бу Раян Гиггз эди. Уэлслик афсона Криштиануга 16 та голли пас берган. Гиггз Криштиануни “қизил иблислар” либосини кийган кунидан бошлаб қўллаб-қувватлаб келган.



4. Гарет Бейл – 20 голли узатма
Ушбу жуфтлик “Реал”да ҳали эндигина 2 мавсум тўп суришди. Шундай бўлса ҳам Бейл бу давр ичида “гол машина”нинг 20 та голига ҳаммуаллифлик қилган. Гарет ҳали бу рўйҳатда янада юқорига чиқишига шубҳа йўқ.



3. Анхел Ди Мария – 22 голли узатма
Аргентиналик ярим ҳимоячи 4 мавсум давомида Криштиануни 22 та голли пас билан таминлаган. Ди Мария агарда олдинги мавсумда Мадридни тарк этмаганида балки бу рўйҳатнинг 1-ўринида турган бўлармиди.



2. Месут Ўзил – 27 голли узатма
Ана энди Роналду нима учун Ўзилнинг сотилишига қарши чиққанини тушунган бўлсангиз керак. Месут Криштиану учун доимо энг яхши шерик бўлиб келган. Португалиялик ҳуужумчи 3 мавсум ичида немис жамоадоши томонидан узатилган 27 та узатмани голга айлантиришга муваффақ бўлган эди.



1. Карим Бензема – 31 голли узатма
Бензема ҳар мавсум 30-40 талаб гол ура олмайди. Чунки у ҳар доим ҳам дарвоза томон зарба беравермайди. Карим “қўли очиқ” ҳужумчилар тоифасидан. У 6 мавсум давомида Роналдунинг 31 та голига ассистентлик қилгани ҳам сўзимизга исбот бўла олади. Француз ҳужумчиси ҳозирча КриРонинг энг яхши шериги бўлиб турибди.

Фурқат Юсупов
Манба: www.Furkat.uz