Италия чемпионати “Сассуоло”га қарши Римда ўтган учрашувда “Рома” сардори Франческо Тотти клубдаги фаолияти давомида 300-голини киритди.

Италия пойтахти жамоасининг форварди учрашув 36-дақиқасида ҳисобни 1:1 бўлишини таъсинлаганди, якунда эса жамоалар – 2:2 ҳисобидаги жанговар дурангга рози бўлишган.

Тотти “Рома”даги илк голини 1994-йил 4-сентябрда “Фожа”га қарши ўйинда киритганди. Ўшанда “император” ўйин 30-дақиқасида Франческо Манчини дарвозасини ишғол қилганди. Аммо ўша баҳс ҳам дуранг билан тугаган ва 67-дақиқада россиялик ҳужумчи Игорь Коливанов ҳисобни тенглаштирган ва якуний 1:1 ҳисобини ўрнатган.

Якшанба куни 39 ёшни қаршилаган Тотти 1992-йилдан буён “бўрилар” таркибида ўйнаб келмоқда ва мана 22 мавсумдан бери кетма-кет рақиблар дарвозасига гол киритиб келади.

2014/15-йилги мавсумда Тотти 27 ўйин ўтказган ва 8 та гол киритиб, 7 натижали узатмани амалга оширганди.

“Рома” таркибида Тотти Италия чемпионатида ғолиб чиққан, икки марта Италия кубогини қўлга киритган ва мамлакат Суперкубоги учун ўйинларда ҳам ўзига хос “дубл” қайд этган. Қуйида Тоттининг 300 голи акс этган ўзига хос коллаж сурат ва унинг фаолиятига оид инфографика билан танишиш мумкин.