Малайзияда давом этаётган аёллар ўртасидаги Осиё Чемионати 2-турида Ўзбекистон терма жамоаси Эронга йирик – 1:9 ҳисобида мағлуб бўлди.

Эслатиб ўтамиз, Аваз Мақсумов бош мураббийлигидаги терма жамоа илу турда мусобақа мезбони – Малайзия терма жамоасига 4:9 ҳисобида имкониятни бой берган эди. Турнинг параллел ўйинида Малайзия Гонконгни 4:1 ҳисобида мағлуб этди ва икки тур натижасига кўра Эрон ҳамда Малайзия терма жамоалари муддатидан олдин гуруҳдан чиқиш вазифасини уддалади.

Маълумот ўрнида, футзал бўйича аёллар ўртасидаги Осиё чемпионатида жами 8та терма жамоа иштирок этмоқда.

Гуруҳ босқичининг сўнгги тур учрашувлари 23 сентябрь куни бўлиб ўтди. Гуруҳнинг сўнгги учрашувида Ўзбекистон аёллар терма жамоаси Гонконг терма жамоасига қарши майдонга тушса, Малайзия ҳамда Эрон терма жамоалари гуруҳда 1-ўринни қўлга киритиш учун ўзаро ўйнайдилар.

Футзал. Аёллар ўртасида ОЧ.

2-тур. 21 сентябрь.

Ўзбекистон - Эрон 1:9

Гонконг - Малайзия 1:4