Ушбу ой бошидан буён Тошкентдаги терма жамоаларнинг ўқув-йиғин базасида ОФК томонидан мураббийларнинг “Б” лицензияси учун ўқув-курслари ташкил этилди.

Мазкур курсда вилоятимиздан малакали тўрт нафар мураббийларимиз ҳам таҳсил олишмоқда. Ўқув машғулотларини 7 сентябрь кунидан бошлаб ОФК йўриқчиси – Ислом Аҳмедов олиб бормоқда.

Координаторлик вазифаси эса Шавкат Имомов зиммасига юклатилган. 19 нафар иштирокчи таҳсил олаётган ушбу ўқув курси 27 сентябрь куни якунига етади.

Вилоятимиз вакиллари бўлмиш Бахтиёр Тўрдиқулов (“Насаф” ФМ 2002 йилда туғилган тайёрлов гуруҳи филиали мураббийи), Комил Жўраев (“Шўртан” ПФК ўринбосарлари ёрдамчи мураббийи), Суннат Шаймардонов(“Шўртан-99” жамоаси мураббийи) ва Анвар Ўринов (вақтинча ишсиз)лар ўқув курси якунига етгач “Б” тоифаси бўйича лицензия учун синовдан ўтказиладилар, синовдан муваффақиятли ўтган мураббийлар яна воҳамизга қайтишиб, фаолиятларини давом эттиришади.

                                                                Фахриддин ЧОРИЕВ.