"Пахтакор" - "Металлург" учрашувидан кейин ўтказилган матбуот анжуманида билдирилган фикрлар билан танишинг.

Нўъмон ҲАСАНОВ (“Пахтакор” бош мураббийи): - Йигитлар характер кўрсатишди. Улар ўйинни охиригача ўйнаш кераклигини намойиш қилишди. 0:2 пайтида ҳам тушкунликка тушмадилар ва жуда қийин ғалабани қўлга киритдик. Чемпионат тугашига яна 7 тур бор. Ҳали олдинда кескин кураш кутиб турибди. Биринчи бўлимда ўйинимиз қовушмади. Бунга рақибнинг фаол ўйини ҳам сабаб бўлди. Жисмоний тарафдан яхши ҳолатдамиз. Учрашув охирида 3 ҳимоячи билан ҳаракат қилдик ва футболчилар сўнгги дақиқаларгача курашишди.

“Металлург” яхши шаклланган ва тўпни назорат қиладиган жамоа. Таркиб 3-4 йилдан буён бирга ўйнаб келяпти. Бу жамоа исталган рақибга жиддий қаршилик кўрсатиш имкониятига эга. Ушбу мавсумда кучли клублар билан беллашувларда бунга барчамиз гувоҳ бўлдик.

Пардаев бизга жуда зарур бўлган биринчи голни урди. Бизга биринчи тўпни киритиб олиш керак эди. Кейин жамоада ишонч юзага келди, олдинга боришда давом этдик.