"Пахтакор" - "Металлург" учрашувидан кейин ўтказилган матбуот анжуманида билдирилган фикрлар билан танишинг.
Шавкат САИДОВ (“Металлург” жамоаси бошлиғи): - Ўйинга тузган режамизга кўра, “Пахтакор”га ўзи хоҳлагандек ўйин кўрсатишга йўл қўймаслигимиз зарур эди. Кучли томонларини ёпиб, тезкор ҳужумлар ташкил этишга ҳаракат қилдик. Стандарт ҳолатлар ва қанотдан уюштириладиган ҳужумларни тўсиб қўйишга интилдик. Биринчи бўлимда ҳисобда олдинга чиқиб олдик. Иккинчи бўлимда бир неча қарши ҳужумларни содир қилдик. Натижада иккинчи тўпни киритдик. Афсуски, охирги дақиқаларда йигитлар ҳимояга ҳаддан ташқари эътибор қаратишди. Учрашув якуни бўлгани сабабли уларга ҳимояда жипсроқ ўйнашлари кераклигини таъкидлагандик. Аммо бу хатоларга олиб келди. Мезбонлар дастлаб ҳисобни қисқартиришди. Кейин эса икки бор жарима майдонида хатога йўл қўйдик. Бу бизга қимматга тушди.
