Малайзияда нуфуз жиҳатдан иккинчи ўринда дея эътироф этиладиган премьер лига баҳсларининг 2015-йилги мавсуми ўз якунига етгани ва унда ҳамюртларимиз Фарҳод Тожиев ва Садриддин Абдуллаев тўп сурадиган “Т-Тим” клуби учинчи ўринни банд этиб, Супер Лигага йўл ола билмаганини биласиз.
Ҳозирда “Т-Тим” Малайзия Кубогида иштирок этмоқда. Гуруҳларга бўлиб ўтказиладиган мазкур мусобақада кеча ҳамюртларимизнинг жамоаси “Келантан”га қарши баҳс юритди ва 3:1 ҳисобида ғалабага эришди. Ўйинда Садриддин Абдуллаев бошланғич таркибда майдонга чиқди ва тўлиқ 90 дақиқа ўйнади. Садриддин Томислав Бусич томонидан 32-дақиқада киритилган голга ҳаммуаллифлик қилишга ҳам муваффақ бўлди. Аммо яна бир ҳамюртимиз Фарҳод Тожиев ҳамон сафга қайтгани йўқ ва у ҳозирча ўйинларни мухлислар орасида томоша қилмоқда. Фарҳод ҳозирда жароҳатни даволаш билан банд.
Т-Тим – Келантан 3:1
Голлар: Зулҳанизам (16, 21), Томислав Бусич (32).
