Франция чемпионати 8-турида ҳар йили совринли ўринлар учун кураш олиб борадиган “Марсель” лига дебютанти “Анжер”ни қабул қилди. 

“Велодром”да ўтган учрашувда меҳмонлар 2:1 ҳисоби билан мезбонлардан устун келишди. Аввалига Мангани 38-дақиқада пенальтидан ҳисобни очди – 0:1. 69-дақиқада Тома фарқни иккитага оширди. Орадан ўн дақиқа ўтиб, бу сафар мезбонлар фойдасига белгиланган 11 метрли жарима зарбасидан Батшуайи ҳисобни қисқартирди. Қолган дақиқаларда Мичель шогирдлари ҳарчанд уринишмасин “Анжер” дарвозасини ишғол қила олишмади. 

8-турдан кейин “Марсель” мусобақа жадвали 14-ўринида(8 очко), “Анжер” эса 5-поғонадан(15 очко) жой олган.
  
8-тур.
МАРСЕЛЬ – АНЖЕР 1:2 (0:1)
27 сентябрь, 17.00, “Велодром” 
Голлар: 0:1 – 38, пенальти Мангани, 0:2 – 69 Тома, 1:2 – 79, пенальти Батшуайи. 
Марсель – Манданда, Роланду, де Челье, Манкильо (Джа-Джедже, 71), Нкулу, Баррада, Диарра, Сарр (Окампос, 63), Замбо (Лукас Силва, 46), Кабелла, Батшуайи.
Анжер – Бютель, Тома, Траоре, Андре, Бука-Муту (Орьяк, 58), Мангани (Дье, 81), Манко (Ангула, 46), Камара, Саисс, Кеткеофомфон, Доре.
Огоҳлантиришлар: Саисс (26), Кабелла (37), Кеткеофомфон (59), Нкулу (69), Баррада (73), Доре (78).