27 сентябрь, якшанба куни футбол клублари тарбияланувчилари ўртасида Тошкент шаҳар биринчилигининг навбатдаги тур баҳслари ўтказилди. Чемпионлик учун  асосий давогарлардан ҳисобланган “Бунёдкор-А” сафарда БЎСМ-16 меҳмони бўлди. “Бунёдкор-Б” эса ўз майдонида СМИ-1ни қабул қилди.

7-турдан ўрин олган учрашувлардан фақатгина “Бунёдкор-Б”нинг 2000 йилда туғилган футболчилардан иборат жамоаси беллашуви бошқа кунга қолдирилди.

БЎСМ-16 – “Бунёдкор-А”        5:0    (2005 й)        
БЎСМ-16 – “Бунёдкор-А”        1:0    (2004 й)
БЎСМ-16 – “Бунёдкор-А”        2:2    (2003 й)
БЎСМ-16 – “Бунёдкор-А”        1:2    (2002 й)
БЎСМ-16 – “Бунёдкор-А”        0:0    (2001 й)
БЎСМ-16 – “Бунёдкор-А”        1:3    (2000 й)
БЎСМ-16 – “Бунёдкор-А”        2:4    (1999-98 йй.)

“Бунёдкор-А” 7 учрашувдан 3тасида ғалаба қозонди. Иккита дуранг ва шунча мағлубият қайд этди. Ушбу қарама-қаршиликларда мезбонлар 8, “қалдирғочлар” 11 очко ишлашди. Тўплар фарқи – 12:9, БЎСМ-16 фойдасига.

“Бунёдкор-Б” – СМИ-1        1:0    (2005 й)
“Бунёдкор-Б” – СМИ-1        8:0    (2004 й)
“Бунёдкор-Б” – СМИ-1        4:0    (2003 й)
“Бунёдкор-Б” – СМИ-1        1:0    (2002 й)
“Бунёдкор-Б” – СМИ-1        1:0    (2001 й)
“Бунёдкор-Б” – СМИ-1        2:1    (1999-98 йй.)

7-турда “Бунёдкор-Б”нинг барча ёш тоифасидаги жамоалари зафар қучишди. Эътиборга молик томони спорт мактаби интернатининг фақатгина 1999-98 йилларда таваллуд топган жамоаси “қалдирғочлар” дарвозасига бир марта гол ура олди ҳолос. Қолган ўйинларда бунёдкорчилар ишончли ҳаракат қилиб, рақибларини катта устунлик билан таслим этишди. Ушбу қарама-қаршиликларда мезбонлар юз фоизли натижа қайд этишиб, 18 очко ишлаб олишди. Тўплар фарқи – 17:1, “қалдирғочлар” фойдасига.

Шу билан иккинчи босқичнинг биринчи давраси якунланди. 8-тур учрашувлари 4 ноябрда ўтказилади. Унда “Бунёдкор” шарафини ҳимоя қилаётган “А” ва “Б” жамоаларимиз ўзаро тўқнаш келишади. Ўйиннинг расмий мезбони “Бунёдкор-Б”.