Кеча тунда Европа Чемпионлар Лигаси гуруҳ босқичининг 2-тур ўйинларига старт берилди.
F гуруҳи пешқадами “Бавария” ўз майдонида Загребнинг “Динамо”сини қабул қилди ва қийинчиликсиз зафар қучди.
Пеп Гвардиола шогирдлари танаффусга қадар загребликлар дарвозасини 4 бор ишғол қилиб баҳс тақдири масаласини кун тартибидан олиб ташлашди.
Эътиборлиси, сўнгги вақтларда анчайин сермаҳсул ўйин намойиш қилаётган польшалик тўпурар Роберт Левандовски хет-трикка эришди ва сўнгги 3 та ўйинда ўз ҳисобига 10 та гол ёзиб қўйди.
“Олимпиакос” билан куч синашган “Арсенал” эса Чемпионлар Лигасида қаторасига иккинчи мағлубиятни қабул қилиб олди. Арсен Венгер шогирдлари ҳимояда ҳаддан ташқари кўп хатога йўл қўйишди ва натижада ўз дарвозаларидан 3 та тўп қўйиб юбордилар.
Мезбонлар сафида Уолкотт ва Санчес гол киритиб, жамоасини мағлубиятдан сақлаб қолишга ҳар қанча уринмасин барибир бу кеча “Арсенал”га очко ишлаб олиш насиб қилмади.
Чемпионлар Лигаси
Гуруҳ босқичи
2-тур
F гуруҳи
БАВАРИЯ (ГЕРМАНИЯ) – ДИНАМО ЗАГРЕБ (ХОРВАТИЯ) 5:0 (4:0)
29 сентябрь, 23.45, «Альянц-Арена»
Голлар: 1:0 – 13 Дуглас Коста, 2:0 – 21 Левандовски, 3:0 – 25 Гетце, 4:0 – 28 Левандовски, 5:0 – 55 Левандовски.
Бавария – Нойер, Лам, Боатенг (Рафинья, 64), Алаба, Бернат (Мартинес, 46), Гетце, Киммих, Алькантара, Коман, Левандовски, Дуглас Коста (Мюллер, 58).
Динамо Загреб – Эдуарду, Мэцел, Бенкович (Сантуш, 46), Таравель, Пиварич, Машаду (Рог, 61), Адеми, Судани, Антолич, Фернандес, Пьяца (Энрикес, 69).
Огоҳлантиришлар: Боатенг (21), Пиварич (66), Адеми (81).
АРСЕНАЛ (АНГЛИЯ) – ОЛИМПИАКОС (ГРЕЦИЯ) 2:3 (1:2)
29 сентябрь, 23.45, «Эмирейтс»
Голлар: 0:1 – 33 Пардо, 1:1 – 35 Уолкотт, 1:2 – 40, автогол Оспина, 2:2 – 65 Санчес, 2:3 – 66 Финнбогасон.
Арсенал – Оспина, Бельерин (Кэмпбелл, 86), Габриэл, Косьельни (Мертесакер, 57), Гиббс, Касорла, Коклен (Рэмзи, 60), Окслейд-Чемберлен, Озил, Санчес, Уолкотт.
Олимпиакос – Роберто, Элабделлауи, Ботиа, Сиовас, Салино, Камбьяссо, Касами, Пардо, Фортунис (Вурос, 87), Себа (Эрнани, 73), Идейе (Финнбогасон, 46).
Огоҳлантиришлар: Санчес (44), Габриэл (45), Роберто (64), Финнбогасон (75), Камбьяссо (76), Фортунис (77), Озил (77).
Турнир жадвалидаги ҳолат:
“Бавария” – 6 очко, “Олимпиакос” ва “Динамо” Загреб – 3, “Арсенал” – 0.
