Йилнинг энг яхши ўйинчисига топшириладиган “Олтин тўп” мукофоти учун номзод бўлган 59 футболчининг номи маълум бўлди, деб хабар бермоқда Sports.ru.

Эътиборлиси, испан грандлари “Барселона” ва “Реал” жамоаларидан жами 14 нафар ўйинчи даъвогарлар рўйхатидан жой олди.

“Барселона”: Лионель Месси, Андрес Иньеста, Иван Ракитич, Клаудио Браво, Хавьер Маскерано, Неймар ва Луис Суарес.

“Реал”: Криштиану Роналду, Гарет Бэйл, Карим Бензема, Серхио Рамос, Лука Модрич, Хамес Родригес ва Тони Кроос.

Шунингдек, кенгайтирилган рўйхатга “Бавария” ва “Манчестер Сити”дан 5 нафар, “Челси”дан 4 та, “Манчестер Юнайтед”, “ПСЖ” ва “Ювентус” жамоаларининг 3 нафардан ўйинчиси киритилди. ФИФА қўмитаси ушбу рўйхатдан 23 футболчини ажратиб олади, уч нафар финалчи эса журналист, мураббий ва ўйинчилар томонидан аниқланади. Тақдирлаш маросими 2016 йилнинг 11 январ кунига белгиланган.