Малайзияда нуфуз жиҳатдан иккинчи ўринда дея эътироф этиладиган премьер лига баҳсларининг 2015-йилги мавсуми ўз якунига етган ва ҳозирда жамоалар Малайзия Кубогида иштирок этмоқда.
Ҳамюртларимиз Фарҳод Тожиев ва Садриддин Абдуллаев тўп сурадиган “Т-Тим” клуби мазкур мусобақанинг “C” гуруҳида иштирок этмоқда.
Кеча “титанлар” жамоаси “Фелда Юнайтед”га қарши баҳс олиб борди ва кучли рақибни 2:1 ҳисобида мағлуб этди. Диққатга сазовор жиҳати шундаки, “Т-Тим”нинг дастлабки голига Садриддин Абдуллаев муаллифлик қилди.
“Т-Тим”- “Фелда Юнайтед” 2:1
Голлар: Садриддин Абдуллаев (3), Томилсав Бусич (64, пен.) - Заҳ Раҳан (38)
Садриддин Абдуллаев учрашувда тўлиқ 90 дақиқа ўйнади. Фарҳод Тожиев эса ҳамон майдонга қайтганича йўқ У жароҳатини даволаш билан банд.
