Бугун футзал бўйича дунё терма жамоаларининг янги рейтинги эълон қилинди. Бу сафар Ўзбекистон миллий терма жамоаси дунё рейтингида 20-ўринда қайд этилган. Бу билан Хосе Мария Мендез шогирдлари ўтган рейтингдаги ўринларидан бир поғонага пастлашган. Бош футзал жамоамиз ҳисобида 1272 очко бор.
Осиёда терма жамоамиз Эрон, Япония, Таиланддан сўнг қитъанинг тўртинчи жамоаси бўлиб турибди. МДҲ ва Болтиқбўйи давлатлари орасида ҳам терма жамоамиз бешинчи ўринда. Биздан аввал Россия, Украина, Озарбойжон ва Қозоғистон терма жамоалари жойлашишган.
Дунё рейтингини ҳамон Испания терма жамоаси бошқариб турибди. Кучли ўнталикдан Бразилия, Россия, Италия, Аргентина, Эрон, Португалия, Украина, Колумбия, Япония терма жамоалари жой олишган.
