Италия терма жамоаси устози Антонио Конте “Милан” ҳужумчиси Марио Балотеллини Евро-2016 саралаши доирасида Озарбойжон (10-октябрь) ва Норвегияга (13-октябрь) қарши ўйинларга жалб этмагани сабабини айтиб ўтди.
“Марио терма жамоага қайтиши учун маълум йўлни босиб ўтиши лозим. Унга терма жамоа эшикларини қайта очиш учун клуб асосий таркибидаги иккита ўйин камлик қилади.
У ва терма жамоа таркибига чақирилиши керак бўлган бошқа футболчилар ишончимни қозонишлари ва уни оқлашлари лозим”, – дея Конте сўзларидан иқтибос келтиради Football Italia га таяниб Sports.ru.
Эслатиб ўтамиз, Балотелли А Серияда жами 4 та учрашув(2 таси асосий таркибда) ўтказиб, уларда 1 та гол киритишга улгурган. А Сериянинг 7-тури доирасидаги “Милан” – “Наполи” учрашувини(0:4) Балотелли жароҳат сабаб ўтказиб юборган.
