Кеча Испания ла Лигасининг 7-турида “Севилья” ўз майдонида “Барселона”ни қабул қилиб 2:1 ҳисобида ғалаба қозонди. Биз ушбу учрашувга оид қизиқарли фактларни эътиборингизга ҳавола этамиз.

1. Ушбу жамоалар Испания чемпионатида 143-марта ўзаро рақиб бўлишди.
2. “Севилья” Ла Лига доирасида “Барса” устидан 36-ғалабасини қўлга киритди. Каталонияликлар ҳисобида 76 та ютуқ мавжуд.
3. “Севилья” “Барселона”га 181 ва 182 голларини урди, ўзи эса каталонияликлардан 288-голини ўтказиб юборди.
4. “Севилья” ниҳоят ўз майдонида “Барса”га қарши 8 ўйинлик ғалабасиз сериясига чек қўйди.
5. “Барселона” Ла Лигада охирги 13 йилдаги энг ёмон стартини амалга оширди. Каталонияликлар 2002 йили дастлабки 7 ўйиннинг 2 тасида ютқазишган эди.
6. Учрашувда ҳисобни очган Крондели “Севилья” либосидаги илк голини ўз номига ёздириб қўйди.
7. “Севилья”нинг иккинчи голи муаллифи Иборра эса “Севилья” либосида Ла Лигадаги юбилей 10-голини киритди.
8. “Барселона” футболчилари 7 ўйинда 5 та пенальти тепишди ва уларнинг иккитасидангина унумли фойдаланишди.
9. Неймар “Барселона” либосида 101-марта майдонга тушиб, 58-голини киритди.

Фурқат Юсупов
Манба: www.Furkat.uz