Хабар берганимиздек, Қашқадарё вилояти кубоги соҳиби Нурали Султонов бошқарувидаги “Насаф-99” жамоаси айни пайтда иккинчи таркиби билан Самарқанд вилоятида бўлиб ўтаётган “пулька”да иштирок этмоқда.

Ўз олдига жиддий мақсадлар қўйган Қаршининг “Насаф” футбол мактаби тарбияланувчиларидан иборат “Насаф-2” жамоаси биринчи лигада навбатдаги тур учрашувини 9 октябрь куни Наманганнинг “Косонсой” жамоасига қарши ўтказади. Учрашув Косонсойда бўлиб ўтади.

Нурали Султонов ўз жамоаси билан Самарқандаги мусобақада иштирок этаётганлиги боис, “Насаф-2” жамоасини навбатдаги учрашувда, ёрдамчи мураббий Павел Кшнякин майдонга олиб тушади.

Эслатиб ўтамиз, мазкур жамоалар ўртасидаги бунгача Қаршида бўлиб ўтган учрашувда “Насаф-2” жамоаси “Косонсой” устидан кичик 1:0 ҳисобида ғалаба қозонган.

Фахриддин ЧОРИЕВ.