“Ливерпуль” марказий ҳимоячиси Мамаду Сако жамоа асосий таркибига кира олмаган вақтлари қандай тушкун кайфиятда бўлгани ҳақида гапириб берди.

“Маълум вақт аниқроғи ўйин амалиётига эга бўла олмаган пайтларда ўзимни бир неча кун ош-овқатсиз қолдирилган қафасдаги шердек сезардим. Биласизми, ўша арслон қафас қулфини очишингиз билан биринчи бўлиб сизга ташланади.

Жеррард билан муносабатларимизга келсак, у хавас қилса арзийдиган инсон. Стиви тез-тез смс ёзиб туради, хусусан, Европа Лигаси “Бордо”га қарши сардор сифатида майдонга тушган куним у мени биринчилардан бўлиб табриклади.

У ўз хабарномасида мен билан фахрланишини ва шу руҳда курашни давом эттиришим кераклигини ёзганди. Шундай ажойиб футболчидан бу каби кайфиятни кўтарувчи гапларни эшитиш жуда ёқимли”, – дея Сакко сўзларини келтиради Sky Sports га таяниб Sports.ru.