ФИФА президентлиги лавозимидан четлатилган Зепп Блаттер 10 кундан кейин яна иш фаолиятига қайтмоқчи. Бу ҳақда амалдорнинг ўзи маслаҳатчиси Клаус Штолкерга маълум қилган деб хабар бермоқда Спорт Экспресс.
Эслатиб ўтамиз, ташкилот раҳбарининг адвокатлари 90 кунлик четлатиш юзасидан апелляция шикоятини беришган. 79 ёшли Блаттер эса иқтисодий жиноятни амалга оширганликда айбланмоқда.
– Бу борада апелляция шикоят хати тақдим қилинган. Ҳамма сўнгги қарор 10 кун муддатда чиқарилишига ишонаяпти. Блаттер қаттиқ тушкунликка тушган. У ўз лавозимига қайтишига ишонаяпти. Йозеф ўзини ишдан йироқлашгандек ҳис қилаётгани йўқ. Англашилмовчилик юз берган, – дея Штолкер сўзларини келтиради Sportsnet.ca.
