Евро-2016 саралаш раундининг 9-тур ўйинларидан сўнг турнирнинг финал босқичига йўл олган 12 нафар иштирокчи маълум бўлди. Турнир мезбони Франциядан кейин Англия, Чехия, Исландия, Австрия, Шимолий Ирландия, Португалия, Испания, Швейцария, Италия, Бельгия ва Уэльс терма жамоалари ЕЧда иштирок этиш ҳуқуқини қўлга киритди.
Қайд этиш керак, 12 иштирокчидан 3 таси (Исландия, Шимолий Ирландия ва Уэльс) ўз тарихида илк бор турнирнинг финал босқичида қатнашади.
Бундан ташқари Австрия термаси ҳам биринчи марта саралаш раунди орқали ЕЧга йўл олди. Ушбу терма жамоа 2008 йилги қитъа биринчлигини мезбон сифатида қабул қилганди.
Саралаш раундининг сўнгги тури 11-13 октябрь кунлари бўлиб ўтади, унда жамоалар ЕЧ-2016нинг 8 йўлланмаси учун кураш олиб борадилар.
Охирги 4 иштирокчи номи ноябр ойида бўлиб ўтадиган ўз гуруҳларида учинчи ўринни эгаллаган жамоалар ўртасидаги ўтиш ўйинларида аниқланади.
