Хабарингиз бор, Ўзбекистон миллий терма жамоасининг Жаҳон чемпионати-2018 иккинчи саралаш босқичи доирасидаги рақиблари — КХДР ҳамда Филиппин терма жамоалари 8 октябрь куни ўзаро 5-турдаги учрашувни ўтказишди. Ўйинда ғолиб аниқланмади ва учрашув 0:0 ҳисобидаги дуранг натижа билан якунланди.
Ўша беллашувда шимолий кореялик футболчилардан кўра стадионга ташриф буюрган маҳаллий мухлислар анча фаолроқ бўлишди. Бунга қуйидаги фотосуратлар ва видео орқали ўзингиз амин бўлишингиз мумкин.
Эслатиб ўтамиз, Самвел Бабаян қўл остидаги Ўзбекистон миллий терма жамоаси гуруҳ босқичидаги 6-турда дам олади ва 7-тур доирасида 15 ноябрь куни Тошкентда айнан КХДР терма жамоасини қабул қилади.
