Тошкентдаги Республика олимпия захиралари теннис мактаби кортларида давом этаётган “Челленжер” туркумига кирувчи, мукофот жамғармаси 125 минг доллардан иборат бўлган турнир ўзининг ҳал қилувчи палласига кирди.
Бугун Ўзбекистоннинг биринчи рақамли теннисчиси Денис Истомин чорак финал баҳсида Евгений Донскойни уч сет натижасига кўра таслим этди.
Дунё рейтингида 117-ўринни эгаллаб турган россиялик теннисчи илк сетни 7:5 ҳисобида ўз фойдасига ҳал қилди.
Иккинчи сетда энди турнирнинг биринчи ракеткаси бўлган Денис 6:3 ҳисобида ғалаба қозонди. Ҳал қилувчи учинчи сетда иккита брейкни амалга оширган Истомин 6:2 ҳисобида зафар қучди.
Истоминнинг ярим финалдаги рақиби дунёнинг 105-ракеткаси ҳиндистонлик Юки Бхамбри бўлади.
