"Арсенал" бош мураббийи Арсен Венгер Англия чемпионатининг 8-турида "Уотфорд" устидан қозонилган ғалабадан сўнг (3:0) фикрларини билдирди.

"Бу биз учун муҳим ғалаба бўлди. Биз "Уотфорд"нинг нима учун уй учрашувларида кам гол ўтказишига гувоҳ бўлдик. Бу жуда кучли жамоа, қарши ҳужумларда яхши ҳаракат қилади, шунинг учун кам хато қилади.

Менга биринчи голдан сўнг ҳам ҳужумни сусайтирмаганимиз ёқди. Футболчиларимиз 1:0, 2:0 ва бошқа исталган ҳисобда ҳам ишонч билан ўйнадилар.

Санчес ҳар доим ҳужумга ўтишга тайёр. У ҳар доим рақиб дарвозасига хавф солади. У "Арсенал" учун муҳим ўйинчи", - дейди Венгер.