"Манчестер Сити" бош мураббийи Мануэль Пеллегрини Англия чемпионатининг 8-турида "Борнмут" устидан қозонилган йирик ҳисобдаги ғалабадан сўнг (5:1) "хет-трик"га эришган Раҳим Стерлингни мақтаб қўйди.

"Бугун Раҳим учун учта гол уриш муҳим эди. У ҳужумларни якунлашда фаол бўлиши керак эди. У бугун буни уддалади. У ёш ва яна ривожланади.

Уни Агуэро ёки Бони сингари марказий ҳужумчи ҳисоблаш тўғримас, аммо у бизнинг сафимизга қўшилганда "Ливерпуль"дагидан кўпроқ гол уришига ишонишимни айтган эдим.

Ўзига бўлган ишончни йўқотгани ҳақида гап бўлиши мумкинмас, "Ньюкасл"га қарши ўйинда алмаштирганимдан сўнг у билан гаплашдим. У яхши ўйин кўрсатмаган эди, аммо ҳаммада ҳам ёмон ўйинлар бўлиб туради.

Бугун унга янги чизиқ топиб беришимиз керак эди. Мен Бонининг ёнида унга кўпроқ бўш ҳудудлар бўлишини тахмин қилган эдим", - дейди Пеллегрини.