Эрон чемпионатида тўп сурадиган Ўзбекистон миллий терма жамоасига номзод футболчи — Фозил Мусаев якунланган ҳафтада жамоаси “Сепаҳон” билан “Сиёҳ” клубига қарши ўйинда майдонга тушди.
Эрон Про Лигаси 8-тур учрашувлари доирасида кечган мазкур матч 1:1 ҳисобидаги дуранг билан тугади.
ЎФФ расмий сайтининг ёзишича, ҳамюртимиз Фозил Мусаев эса учрашувнинг илк дақиқаларидан бошлаб ҳаракат қилди ва ўйиннинг 80-дақиқасида алмаштирилди. “Сепаҳон” ҳозирда ўтказилган саккиз турдан кейин 15 очко тўплаган ҳолда чемпионат жадвалининг 2-поғонасидан жой олиб турибди. Фозил ва жамоадошлари чемпионат пешқадами — “Истиқлол”дан икки очкога ортда қолмоқда.
