"Бавария" ҳужумчиси Роберт Левандовски қисқа вақт ичида "Вольфсбург" дарвозасига бешта гол урганини тушунтиришга қийналмоқда.
"Бу қандай содир бўлди, тушунтира олмайман. Ўша тўққиз дақиқа ичида бу ҳақда ўйлашга вақт йўқ эди. Бир нарсани биламан6 биз жамоа сифатида ғалаба қозонишни истаймиз. Ғалаба қозонаверсак, бу ҳақда ўйлашга вақт топарман", - дейди Левандовски.
Аввалроқ, Левандовскийнинг бу натижаси Гиннеснинг рекордлар китобига кириши айтилган эди. У дунё футболида энг қисқа вақт ичида хет-трик, покер ва пента-трикка эришган футболчи номига эга бўлди.
