Осиё Чемпионлар лигасининг илк финалчиси маълум бўлди. Ярим финалнинг илк жуфтлик жавоб учрашувида БААнинг “Ал Аҳли” жамоаси ўз майдонида Саудия Арабистонининг “Ал Ҳилол” жамоасини қабул қилиб, 90-дақиқада кореялик Кюнг-Вон Квон томонидан киритилган гол эвазига финалга йўлланма олди.

Агар 2:2 ҳисоби сақланиб қолинганда “Ал Ҳилол” финалда иштирок этиш ҳуқуқини қўлга киритарди. Боиси, Саудиядаги илк ўйинда 1:1 ҳисоби қайд этилган эди. “Ал Аҳли”нинг финалдаги рақиби бугун ўтказиладиган Япониянинг “Гамба Осака” ҳамда Хитойнинг “Гуанчжоу Эвегранд” жамоалари ўртасидаги учрашувдан сўнг маълум бўлади.

ОЧЛ. ярим финал.

“Ал Аҳли” (БАА) – “Ал Ҳилол” (Саудия Арабистони) 3:2

Голлар: Лима (17), Рибейро (45), Аилтон Алмейда (51), Карлос Эдуардо (64), Кюнг-Вон Квон (90)

Дастлабки ўйин: 1:1