“Порту” дарвозабони Икер Касильяс Чемпионлар Лигасида қуруқ ўйинлар сони бўйича ўрнатган янги рекорди ҳақида гапириб берди. 

ЕЧЛ 3-тури “Маккаби”га қарши учрашув (2:0) испаниялик голкипер учун мусобақадаги у ўз дарвозасидан гол ўтказиб юбормаган 51-ўйин бўлди.

– Рекорд натижа қайд эта олганимдан жуда хурсандман. “Маккаби”га қарши учрашув мен учун ЕЧЛдаги энг осон ўтган баҳслардан бири бўлди. Лекин Исроилда ўтадиган кейинги баҳс бундан анча мураккаб ўтишига ишончим комил, – дея Касильяс сўзларини келтиради AFP га асосланиб “СЭ”.