“Бунёдкор” – “Пахтакор” учрашувидан кейинги матбуот анжуманининг иккинчи қисмида “қалдирғочлар” устози иштирок этди.

- Аввал чиройли ғалаба учун йигитларга раҳмат айтаман. Улар бугун ўз вазифаларини аъло даражада бажардилар. Бугунги учрашувда кўпроқ гол уришимиз ҳам мумкин эди. Лекин негадир қарши ҳужумлардан самарали фойдалана ололмаяпмиз. Агар эътибор бераётган бўлсангиз, жуда кўп бора учга уч, тўртга уч бўлиб қарши ҳужумда олдинга ўтамиз, лекин гол уришга келганда аниқ ўйнай олмаяпмиз. Бу камчиликни бир кунда ўзгартириб бўлмайди. Бу борада ишлаяпмиз. Мен бош мураббий эмасман. Жамоани бошқариб турганим мавсум охиригача. “Бунёдкор”да доимо кучли мутахассислар ишлаб келган. Биз бош мураббий масаласида шошилинч қарор қабул қилмадик. Ўзимизга мос ва жамоага ёрдами тегадиган инсонни қидиряпмиз. Осиё Чемпионлар лигасига чиқишимиздан қатъи назар “Бунёдкор”га кучли мутахассис олиб келинади, - дейди Бахтиёр Бобоев.