Европа чемпионлар лигасининг 3-тур баҳслари якунига етди.

Нафақат "А" гуруҳининг, балки бугунги куннинг энг марказий учрашувида дея эътироф этилган "ПСЖ" ва "Реал" ўртасидаги ўйин кутилганидан бироз зерикарли бўлди. Боиси, ҳар иккала жамоа эҳтиёткор ўйин услубини танлади. Боз устига, уларнинг ўйини яхлит механизм даражасига кўтарилмагани кўриниб қолди.

Шунга қарамай, "Мадрид" уч марта гол уриш учун яхши имкониятга эга бўлди. Крооснинг узатмасидан кейин Хесе бирга бир вазиятга чиқди, аммо унинг зарбасини парижликлар посбони оёғи билан қайтарди. Каземиро эса яқин масофадан тўпни дарвозага йўллай олмади. Иккинчи бўлимда Роналду ҳам деярли яккама-якка вазиятда дарвозани ишғол қила олмади.

Ушбу дурангдан кейин "Реал" ва "ПСЖ" ўз очколарини 7тага етказишди. Бугун ўз майдонида "Шахтёр"ни мағлуб этган "Мальмё" ҳисобида 3 очко бор. Донецкликлар ҳали очкони қўлга киритишмади.

Европа чемпионлар лигаси
"А" гуруҳи, 3-тур
ПСЖ Франция – Реал Мадрид Испания 0:0 (0:0, 0:0)
ПСЖ – Трапп, Тиаго Силва, Максвелл, Орье, Маркиньос, Верратти (Лавесси, 80), Мотта, Матюиди, Ди Мария (Пасторе, 67), Кавани (Лукас, 66), Ибрагимович.
Реал Мадрид – Навас, Варан, Марсело, Данило, Рамос, Иско (Модрич, 69), Кроос, Васкес, Каземиро, Хесе (Черишев, 73), Роналду.
Огоҳлантиришлар: Матюиди (9), Верратти (50), Рамос (60), Васкес (77), Черишев (85), Орье (87).

Мальмё Швеция – Шахтёр Украина 1:0 (1:0)
Гол: 1:0 – 17 Розенберг.
Мальмё – Виланд, Бенгтссон, Конате, Тиннерхольм, Арнасон, Родич (Ракип, 79), Левицки, Аду, Бергет, Розенберг, Журжич (Мехмети, 88).
Шахтёр – Пятов, Кучер, Исмаили, Срна, Ракицкий, Фред, Степаненко, Тейшейра, Марлос (Эдуардо, 71), Бернард, Гладкий (Коваленко, 81).
Огоҳлантиришлар: Левицки (33), Бенгтссон (42), Ракицкий (50), Кучер (53), Срна (55), Фред (66), Розенберг (79).