Бразилия терма жамоасининг амалдаги бош мураббийи Дунга ўз қўли остидаги терма жамоа ҳақида фикр билдириб ўтди.
ЖЧ-2018 саралашида Аргентина ва Перу терма жамоаларига қарши ўйинлар олдидан мураббий терма жамоа таркибида чизиқлар бўйича муаммолар борлигини қайд этиб ўтган.
"Бу авлод Бразилия тарихидаги энг заиф авлоддир. Бизда юқори савияли ҳужумчи йўқ. Бразилиялик футболчилар Европа жамоаларининг захирасида қолиб кетмоқда.
Бразилия терма жамоасида ҳамиша ўйинни бир ўзи ҳал қила оладиган талантлар бўларди. Бизнинг таркибимизга шундай футболчилар етишмаяпти.
Ўзингиз айтинг, бизда вазиятларни ҳал қила оладиган 23-28 ёш оралиғидаги қанча футболчи бор? Футболчилар ўзларини майдонда Роналдо давридаги футболчилар каби ҳис қила олишмайди", дейди мураббий.
Хабарларда Дунга келаси ҳафта Бразилия терма жамоасидан истеъфога чиқарилиши мумкинлиги айтилган.
Раҳбарият терма жамоанинг Америка Кубогидаги иштироки ва ЖЧ саралашида қайд этилаётган натижалардан норози бўлмоқда.
