"Тоттенхэм" клуби 2017/18 йилги мавсумда уй учрашувларини Лондоннинг "Аптон Парк" стадионида ўтказиши мумкин. Бу ҳақида Daily Mail нашри хабар тарқатди.
Мазкур арена "Вест Хэм"га тегишлидир, бироқ, клуб уни тарк этишга мажбур ва 2016 йилдан бошлаб Олимпия стадионида ўйнай бошлашни режалаштирмоқда. Айни вақтда "Тоттенхэм" ўзига янги стадион қурдирмоқда. Унинг очилиш маросими 2017 йилга белгиланганди, аммо қурилиш суд ишлари чўзилиб кетганлиги туфайли тўхтаб қолди.
Аввалига "Тоттенхэм"нинг вақтинчалик "Уэмбли"га ўтиш эҳтимоли бор эди, аммо Англиянинг бош аренасига "Челси" ҳам даъвогарлик қиляпти, чунки жамоанинг уй стадиони "Стэмфорд Бридж" да таъмирлаш ишлари олиб борилиши керак. Олдинроқ "Аптон Парк" ни бузиб ташлаб ўрнига элита уйлари қуриш мўлжалланган эди, аммо шахар хокимияти билан келишув бўлмагани сабаб, бу лойиҳа амалга ошмайдиган бўлди.
