Бельгия терма жамоаси устози Марк Вильмотс “Челси”да ўйнайдиган шогирди Эден Азарнинг Лондон клубида Жозе Моуриньо қўл остида юлдуз бўлиб порлаб кета олмаслиги мумкинлигидан хавотирда.
Спорт Экспресс нашрининг The Telegraph га асосланиб ёзишича, бельгиялик мураббий 24 ёшли хавбекнинг “Реал”га ўтиши тарафдори. Вильмотснинг фикрича бу трансфер Эденнинг янги савияга кўтарилишига ёрдам беради ва Лондонда кутилаётган омадсизликлардан уни қутқариб қолади.
Шунингдек, Вильмотс “Қироллик клуби” таркибининг кенг экани Азарнинг ротациялар вақтида анча эркин графикга эга бўлишига туртки бўлиши мумкинлигини айтиб ўтди.
Шуни ҳам таъкидлаш керакки, Бельгия терма жамоаси етакчиси бу йилги мавсум АПЛ ва ЕЧЛ доирасида жами 12 та учрашувда майдонга тушиб ҳали бирорта ҳам гол кирита олмаган.
