Фарғонанинг "Нефтчи" клуби раиси Тохир Кападзе ўз лавозимини тарк этган.
Жамоада унинг ўрнини Фарғона вилояти футбол Федерацияси вице-президенти сифатида ишлаб келган Салимжон Зокиров эгаллади. Тохир Кападзе Фарғона вилояти футбол Федерациясига вице-президент этиб тайинланди. Яъни мутахассислар ўртасида ўзига хос "рокировка" бўлди.
Қайд этиш керакки, бу ўзгариш фарғоналикларнинг Олий лига 25-турида "Андижон"дан мағлуб бўлишидан кейин содир бўлди. Айнан шу мағлубиятдан кейин "Нефтчи" кейинги мавсумда халқаро майдонлардаги иштирокни таъминлайдиган 4-ўринни эгаллаш имконидан маҳрум бўлди.
Тохир Кападзе "Нефтчи"да ўтган йилдан буён ишлаб келаётганди.
Эслатиб ўтамиз, ўтган ойда қониқарсиз натижалар туфайли Мурод Исмоилов жамоа бош мураббийлигидан истеъфога чиқарилган, унинг ўрнига Андрей Фёдоров тайинланганди.
