Биласиз, жорий йилги мавсум “Бухоро” жамоаси учун омадли ўтаётгани йўқ.
Бухороликлар мусобақа жадвалида энг сўнгги ўринда боришмоқда. 26-турдан сўнг атиги 17 очко жамғарганча, “Бухоро” 16 жамоа орасида энг охирги бўлиб турибди. Хўш, бухороликлар элитада қола билишадими? Ёки жамоа қуйи лигага йўл оладими?
“Бухоро” клуби сафида сўнгги пайтларда етакчилардан бирига айланган Максимилиан Фоминнинг бу борадаги фикрлари билан қизиқдик.
- Олдинда яна 4 та тур ўйинлари бор. Биз мана шу қолган учрашувларда имкон қадар максимал очколарни қўлга киритишга уринамиз. Агар қолган ўйинларни кўнгилдагидек ўтказа олсак, ўйлашимча Олий Лигада қолиш вазифасини уддалаш мумкин. Зеро раҳбарият ва барча футболчилар элитада қолиш учун қўлдан келганча ҳаракат қиламиз ва охиригача курашамиз, - дейди маҳоратли ҳимоячи SPORTS.uz мухбирига.
Таъкидлаб ўтамиз, “Бухоро” навбатдаги ўйинини 27-тур учрашувлари доирасида ўз уйида “Навбаҳор”га қарши ўтказади.
