Лондоннинг "Арсенал" жамоаси Премьер-лиганинг 10-тури доирасида "Эвертон"ни қабул қилди ва ўз ҳисобига 3 очкони ёзиб қўйди.

Ажойиб формага кириб олган Ўзилнинг чиройли узатмасидан кейин Оливье Жиру бош билан ҳисобни очди. Орадан 2 дақиқа ўтиб "стандарт"дан Лоран Косьелни бош билан дарвозани ишғол қилди. Биринчи бўлим сўнгида "Эвертон" футболчиси Барклининг зарбаси рекошет ҳолатда дарвоза тўрига бориб тушди.

Иккинчи бўлимда томонлар бир мартадан дарвоза тўсин ва устунларини нишонга олишди, аммо ўйинда ҳисоб ўзгармади.

Ушбу ғалабадан кейин "канонирлар" ўз очколарини 23тага етказишди ва жадвалда 1-ўринга кўтарилишди. 21 очко билан 2-ўринни эгаллаб турган "Манчестер Сити" эртага "МЮ" билан баҳслашади.

АПЛ, 10-тур
Арсенал – Эвертон 2:1 (2:1, 0:0)
Голлар: 1:0 – 36 Жиру, 2:0 – 38 Косьельни, 2:1 – 44 Баркли.
Арсенал – Чех, Габриэл, Монреаль, Бельерин, Косьельни, Коклен, Касорла, Озил, Окслейд-Чемберлен (Фламини, 81), Санчес (Гиббс, 89), Жиру.
Эвертон – Ховард, Стоунз, Гэллоуэй, Коулмэн (Коне, 89), Джагелка (Фунес Мори, 52), Маккарти, Бэрри, Баркли, Леннон (Миральяс, 70), Деулофеу, Лукаку.
Огоҳлантиришлар: Коклен (25), Бэрри (67), Жиру (69).
Четлатиш: Бэрри (90).