"Реал" посбони Кейлор Навас Испания чемпионатининг 9-турида "Сельта"га қарши сафардаги ғалабадан сўнг (3:1) фикрларини билдирди.
"Биз кучли рақибни мағлубиятга учратдик ва жадвалдаги ўрнимизни мустаҳкамлаб олдик. Биз бир бутун жамоа бўлиб ўйнадик ва жуда яхши тайёргарлик кўргандик. "Реал" ғалабалардан роҳатланади чунки улар тер тўкиб қилинган меҳнат натижасидир. Олдинда узоқ йўл турибди.
"Реал" дарвозасига берилган ҳар бир зарбани ишонч билан кутиб олдим. Жамоа ўйинидан ва натижадан мамнунман. Мен ҳис қилаётган ишонч клуб ва шерикларим учун жуда муҳим, улар мени қўлламоқдалар", - дейди Навас.