Биласиз, кеча Испания чемпионати 9-тур ўйинлари доирасида “Сельта” меҳмони бўлган “Реал Мадрид” 3:1 ҳисобида ғалабага эришди.
Marca нашрининг ёзишича, “Қироллик клуби” таркибида мазкур матчда жуда фаол ҳаракат қилган Каземиро ўйин борасидаги фикрларини билдириб ўтди.
- Учрашув биз учун осон кечмади. Рақиб ҳам бизга қўлдан келганча қаршилик кўрсатишга уринди. Биринчи бўлимда жуда яхши ўйнадик. Лекин иккинчи тайм анча қийин ўтди. Шундай бўлса ҳам ғалабага эришганимиздан хурсандман. Мен “Реал” таркибида улкан муваффақиятлар қозонишни истайман. Менга бу ерда ишонишмоқда. Шу боисдан ҳам “Реал” билан катта ғалабаларга эришмоқчиман, - дейди Каземиро.
