Ўз вазифасидан 90 кунга четлатилган ФИФА президенти Йозеф Блаттер Немис футбол уюшмасидан 6,7 миллион евро олганини рад этди.
Аввалроқ Der Spigel нашри гўёки Йозеф Блаттер Немис футбол уюшмасидан (DFB) олинган 6,7 миллион еврони ЖЧ-2006га мезбонлик қилувчи мамлакатни аниқлаш учун ўтказилган сайлов вақтида ташкилотнинг Ижроия қўмитаси аъзоларини сотиб олишга йўналтирилгани тўғрисида хабар тарқатганди.
“Мен Франц Беккенбауэрдан ҳеч қандай пул олмаганман ва ҳеч қачон ундан пул талаб қилмаганман. Умримда ҳеч кимни тунамаганман ва ўз шаънимга нолойиқ ишга қўл урмаганман. Буларнинг бари сохта айбловлар”, дея Блаттернинг изоҳини келтиради Euro-football.ru.
