"Наполи" бош мураббийи Маурицио Сарри Италия чемпионатида "Кьево" устидан қозонилган ғалабадан сўнг (1:0) жамоа ҳужумчиси Гонсало Игуаин ҳақида фикр билдирди.
Учрашувдаги ягона голни Игуаин киритди ва унинг ҳисобида охирги 10 учрашувда 9 та гол бор, уларнинг 7 тасини А серия учрашувларида киритган.
"Мавсум олдидан мен Игуаинга нима дегандим? Унга жуда дангаса эканлиги, агар вазиятни ўзгартирмаса, ҳеч қачон дунёнинг энг яхши ҳужумчиси бўла олмаслигини айтганман. У фикрларимга қисман қўшилди, чунки у майдонда имкониятларидан 100 фоиз фойдаланмайди.
Бу тўғри суҳбат эди, биз бир-биримизни тушундик ва бу уни руҳлантирган бўлиши керак", - дейди Сарри.
