"Барселона" бош мураббийи Луис Энрике "Эйбар"га қарши кечган баҳсда (3:1) ҳакам томонидан Хавьер Маскерано майдондан четлатилгани ҳақида фикр билдирди.
"Қўполликдан кўра эътироз билдирганлик учун кескинроқ жазо қўлланилмоқда? Бугун бунга ажойиб мисол кўрдик. Биз бунга кўникиб ҳам қолдик. Маскеранонинг айтишича, у ўзига ўзи нимадир деган ва бу сўзлар ҳакамга айтилмаган эди. Бироқ у майдондан четлатилди ва биз бундан ўзимиз учун дарс олишимиз лозим", - дейди мураббий.
Эслатиб ўтамиз, Маскерано қанот ҳакамини ҳақорат қилгани учун майдондан четлатилган эди.