“Насаф” - “Бунёдкор” учрашувидан сўнг дастлаб меҳмон жамоа раҳбари Бахтиёр Бобоев ўйин ҳақидаги фикрлари билан ўртоқлашди:

— Бугунги ўйиндан кўнглим тўлди, бироқ ҳисоб биз кутгандек бўлмади. “Пахтакор” билан ўйиндан сўнг тикланишимиз қийин бўлди.

— Ғалаба учун жамоаларга нима етишмади?
— Охирги нуқтани қўйиш етишмади. Бироз ўзига ишонч етишмади футболчиларимизга. Мезбонларда кубок финалидаги шиддатни кўрмадим.

— Бугун жамоа финалдагидан яхшироқ ўйнади?
— Финалда Комилов иккинчи бўлимда қизил карточка олди. Футболчиларимиз ҳам  ҳаяжон билан ҳаракат қилишган эди.

— Кейинги мавсумда ҳам жамоани бошқарасизми?
— Мураббий қидиряпмиз, вариантлар бор. Янги мавсумдан бош мураббий бошқаради.

— Кимлар билан музокара ўтказмоқдасизлар?
— Чет эллик ва мамлакатимиз мураббийлари билан музокаралар олиб боряпмиз. Улар ўйлаб олиш учун вақт сўрашган.

— Кумиков келиши ҳақидаги гапларни эшитдик?
— Кумиков билан телефон орқали гаплашдик. Аниқ таклиф билан чиққанимиз йўқ.

Олим ТОЛИПОВ ёзиб олди