“Арсенал” ҳужумчиси Оливье Жиру Лондон клубининг руҳий томондан ҳам кучайишга эришганини айтиб ўтди.

“Бу йилги мавсумда ҳар томонлама кучайдик деб айта оламан. Ҳамма бир жамоа бўлиб ҳаракат қилаяпти. Таркиб жуда аҳил ва совринлар олишни истаймиз.

Борди-ю кимдир чарчоқ сабаб сафдан чиқса, бошқа бир футболчи ўз жамоадоши учун ҳам курашишга тайёр. Ушбу руҳиятни мавсум сўнгигача сақлаб қолишимиз зарур. Агар шу руҳда давом этсак, рақибларимиз учун “Арсенал”ни мағлуб этиш жуда қийин ишга айланади”, – дея Жиру сўзларини келтиради Goal.com.