Биласиз, Олий Лига 27-тур учрашувлари доирасида “Пахтакор” “Динамо” клубини қабул қилди ва 6:0 ҳисобида ғалаба қозонди. Мазкур ўйиндан сўнг ҳар икки жамоа устозлари иштирокида матбуот анжумани ташкил этилди. Унда дастлаб Баҳром Ҳакимов қатнашди.
- Бизни дарвозамизни асосан Худоёров қўриқлаб келаётган эди. Аммо у машғулот пайти жароҳат олгани сабаб Мельничукни бошланғич таркибда майдонга туширдим. Иккинчи голдан кейин эса йигитлар ўйнашни тўхтатиб қўйишди. Умуман бугун биз ҳам очко илинжида майдонга тушгандик. Афсуски йирик ҳисобда ютқазиб қўйдик. Аммо бундан ҳафа эмасман. Чунки бугун ўз шогирдим жамоасига ютқаздик. Нима ҳам қила олардик… Олдимизда Олий Лигада жон сақлаб қолиш вазифаси турибди. Умид қиламанки, элитада жон сақлаб қоламиз, - дейди тажрибали мутахассис.