“Мидлсбро” бош мураббийи Айтор Каранка Англия Лига кубоги 1/8 финали “Манчестер Юнайтед”га қарши учрашувда(0:0, пенальтилар бўйича - 1:3) шогирдлари намойиш қилган ўйинни мақтаб ўтди. 

Эслатиб ўтамиз, чорак финалда жамоа яна бир АПЛ вакили “Эвертон”га қарши ўйнашига тўғри келади.

- Ўйиндан кейин футболчиларга рақибдан яхши ҳаракат қилганликларини айтдим. Майдонда ўзимизга ишонч билан ўйнадик ва яхши формада эканимизни намойиш қилдик. Футболчиларим билан фахраланаман. Пенальтилар сериясида ғалаба учун ҳам мағлубият учун имкониятлар бир хил бўлади. Лекин энг муҳими жамоа намойиш қилган футбол. “Манчестер Юнайтед”га қарши баҳс вақтида яхши жамоа эканимизни намойиш қила олдик.