Қатар Юлдузлар лигасининг 7-тури доирасида "Ал-Жаиш" "Ал-Вакра" меҳмони бўлди. Қувонарли томони, Сардор Рашидов томонидан ўйин сўнгида киритилган 2та гол "Жаиш"га ғалаба келтирди.

Биринчи бўлимда ҳисоб очилмади. 63-дақиқада эса мезбонлар футболчиси Себастьян Саез ҳисобни очишга муваффақ бўлди. Рашидов эса баҳснинг 57-дақиқасида захирадан майдонга тушди. Ҳамюртимиз 81 ва 85-дақиқаларда иккита гол уриб, жамоасининг ғалабасини таъминлади. Сардорнинг Қатар чемпионатидаги голлари сони 4тага етди.


Ушбу ғалабадан кейин "Жаиш" ўз очколарини 17тага етказиб олди. Улар битта кам ўйин ўтказган пешқадам "Ар-Райян"дан 1 очко ортда қолишмоқда.

Қатар юлдузлар лигаси, 7-тур
"АЛ-ВАКРА" - "АЛ-ЖАИШ" - 1:2
Голлар: Себастьян Саез (63) — Сардор Рашидов (81, 85)