«Манчестер Юнайтед» бош мураббийи Луи ван Гал ҳужумчи Уэйн Руни гол ура олмаётгани борасида ўз фикрларини билдириб ўтди.

«Футболчилар ҳам одам, улар гол уришни исташади, аммо ҳаддан ташқари иштиёқ баъзида тўғри қарор қабул қилишда халал беради.

Балки Руни голли вазиятлардан фойдаланишга ҳаддан ташқари кўп ҳаракат қилаётгандир, ҳеч ким билмайди. Ҳужумчи гол урмай қўйса, унда ишончсизлик уйғонади, лекин мен бундай вазиятни тўғрилашга ҳаракат қиламан.

«Бавария»ни бошқарганимда ҳужумчи Марио Гомес битта ўйинда ўртача 9 марта , узоғи билан 14 марта тўпга тегарди, аммо у ҳар бир ўйинда гол урарди.

"МЮ" футболчилари Гомесга нисбатан кўпроқ тўп билан муомалада бўлишади. Муҳими, футболчилар узатмаларни қабул қилишмоқда. Қолгани қанчалик тез ва қандай қарор қабул қилишга боғлиқ», – дейди ван Гал.