"Машъал" Олий лиганинг сўнгги икки турини энди ўтказади. Эртага "Локомотив"га қарши ва сўнгги турда "Насаф" билан учрашувни ўтказиб юборадиган бир неча футболчиларимиз бор. Мавсум охирида жароҳатлар жамоамизга жиддий таъсир ўтказмоқда ва таъқиб қилган.

Ботир Носиров - дарвозабонимиз учун ушбу мавсум якунланди. 16-турда Ботир Носиров "Навбаҳор"га қарши учрашувда жароҳат олган эди. Шундан сўнг ҳозирги кунгача жароҳатидан тўла фориғ бўлмаган футболчи "Пахтакор" билан бўлган баҳсдан сўнг операция столига ётишга мажбур бўлди. Бу дегани Носиров учун ушбу мавсум тугаганлигини англатади.

Аббос Омонов - ярим ҳимоячимиз 26 турда оёғидан жароҳат олди ва майдонни эрта тарк этди. Омоновнинг оёғига ушбу ўйиндан сўнг гипс қўйилди ва мавсум охиригача майдонга туша олмаслиги маълум бўлди.

Шоҳруҳ Достонов - ёш ҳужумчимиз машғулотлар жароёнида жароҳат олган ва бундан олдинги бир неча баҳсларни ҳам қўйиб юборишга мажбур бўлган эди. Сўнгги текширивдан сўнг бу футболчимиз ҳам мавсум охиригача мавсумга туша олмаслиги маълум бўлди.